Ginpamatbatan nga guilty sang Sandiganbayan Second Division sa kaso nga paglapas sa Anti-Graft and Corrupt Practices Act nga ginpasaka batuk kanday former Cagayan de Oro City Rep. Constantino Jaraula, Department of Agriculture Region 10 technical director Joel Rudinas, budget officer Ma. Reina Lumantas, kag accountant Claudia Artazo.
Ini ang may kaangtanan sa anumalya nga pagpaguha sang Fertilizer Funds.
Mahibaluan nga ginsintensyahan ang nasambit nga mga persona sang tag-anum tubtob napulo ka tuig nga pagkapreso.
Gindumilian man sila nga maghawid sang anu man nga pampubliko nga obligasyon kag ginkakas man ang ila
retirement kag gratuity benefits.
Kaangut sini, ginpamatbatan man nga guilty si private defendant Evelyn de Leon, nga nagtindog bilang pangulo sang Philippine Social Development Foundation Inc nga isa ka NGO nga nagapatuman sang nasambit nga proyekto.
Samtang, ang tanan nga ginpamatbatan nga guilty ginapabayad sang tag-P3-M sa city government kun sa diin may yara sang 6% interest kada tuig sumugod sang ginpauha ang nasambit nga desisyon.
