Boluntaryo nga nagsungka sa kapulisan sa President Roxas ang isa ka lalaki nga nagpakilala nga anay katapo sang Communist Terrorist Group (CTG).
Sandig sa impormasyon nagikan sa President Roxas Municipal Police Station, ginpahayag sini nga nagpadulong sa ila istasyon ang wala na ginhingadlan nga persona kag ginsaysay sini nga nagsulod sa organisasyon sang tinalikdan nga Abril 2008 tubtob Disyembre 2010 kag nagserbe bilang ‘spotter’ sang underground mass organization(UGMO) sa idalom sang pagpamuno ni Ka Adoy kag Ka toto, nga naga-operate sa nagkalainlain nga Banwa sang Cadiz, Manapla, kag Negros Occidental.
Suno diri, nagdesider nga magsungka sa otoridad kag untatan na ang pagsuporta sa rebelde nga grupo bangud nareyalisar sang surenderee nga madugay na ini nga ginatiplang sang NPA.
Kadungan sang iya pagsungka, ginsurrender man sini ang isa ka unit
nga homemade 12 gauge shotgun wala sang bala.
Nagpalab-ot naman sang financial nga supporta si Mayor Receliste Escolin sa nagsungka nga CTG member.
Sa karon, yara na sa paghinakop sang talatapan sang Pres.Roxas MPS ang nasambit nga persona kag ang armas-luthang para sa nagakaigo nga disposisyon.
