Ginbuhi liwat sang administrasyon ang pagduso sa kontrobersyal nga Anti-Political Dynasty Act kag ang reform sa Party-list system matapos ini nga ginlakip sa listahan sang mga prayoridad nga hagna subong nga tuig.
Base sa report sang Department of Economy, Planning and Development (DEPDev), kalakip ang mga nasambit nga reporma sa pulitika sa 21 ka mga hagna nga ginpaboran sang Legislative-Executive Development Advisory Council (LEDAC). Magluwas sa mga pagbag-o sa sistema sang pulitika, ginhatagan man sang pagtamod ang pagkinahanglan nga mapapasar ang Anti-Fake News and Digital Disinformation Act.
Target sang amo nga lay inga mapamatbatan kag masilutan ang mga indibidwal nga yara sa likod sang pagpalapta sang malisyoso kag sala nga mga impormasyon nga ginakabig pagpamahog sa pungsudnon nga seguridad. Samtamg, mayo naman nga balita para sa mga biyahero ang ginaduso nga pagkakas ukon abolition sang travel tax. Kalakip man sa nakasugtanan nga listahan ang pagpaiway sa labing-una nga Parliamentary Elections sa BARMM.
Nakalakip man sa prayoridad ang pag-amyenda sa mga layi nga nagaproteher sa mga kabataan, partikular ang Anti-Online Sexual Abuse or Exploitation of Children (OSEAC) kag Anti-Child Sexual Abuse or Exploitation Materials (CSAEM) Act. Suno sa DEPDev, ang amo nga mga tikang ang isa ka crucial agud mabalik ang pagbalik sang publiko kag masuportaran ang mga polisa sang sa subong nga administrasyon.
