Anum ka persona sa Israel, pilason matapos nagluntad ang missile attack nga ginpatigayon sang Yemen
Pilason ang Anum ka mga tawo sa Israel matapos nga naigo sang missile halin sa Yemen malapit sa Ben Gurion Airport terminal sa Israel, kahapon nga adlaw sang Domingo sang aga, suno sa mga otoridad.
Suno sa report, temporaryo nga ginpauntat ang biyahe sa airport apang wala magdugay ginbuksan ini liwat. Ang Israeli Defense Minister nga si Yoav Gallant nagpaguwa sang paandam, nga nagasiling nga magabalos ini ssang pito ka beses nga mas tuman grabe.
Gin-ako sang mga rebelde nga Houthi gikan sa Yemen ang ila pagpang-atake. Suno sa tigpamaba sang grupo, indi na safe ang airport para sa mga nagabiyahe. Ginpakita man sang lokal nga media ang isa ka daku nga crater sa lugar sa diin naigo ang missile.
Bisan pa nga ang mga rebelde nga Houthi nga ginasakdag sang Iran masami nga nagalunsar sang mga pag-atake sang missile batok sa Israel bilang suporta sa Hamas, talagsa lang sila nagasulod sa mga depensa sang Israel.
Padayon man ang pagpang-atake sang grupo sang mga barko sa Red Sea, nga ginasugata sang mga airstrike gikan sa U.S. kag U.K.
