Apat ka mga persona nga nadakapan nga nagapatigayon sang iligal nga pagbulang sa banwa sang Tapaz, hilway na sa karsel

ROXAS CITY- Ginhilway na sa karsel ang apat ka mga nagkaladakpan nga persona matapos nakapiyansa sa pagbayolar sang Presidential Decree 1602 ukon pag-operate sang iligal nga pabulang, sang damlang lang sa Barangay Candelaria, Tapaz, Capiz.

Matandaan nga tatlo sa mga ini ang wala na ginhingadlan nga lunsay mga residente sang nasambit nga lugar samtang ang isa sa mga suspek ang residente sang Barangay San Julian sa amu nga banwa. 

Matandaan nga nakuha sa paghinakop sang mga ini ang pito ka mga patay kag apat ka buhi nga pangbulang nga manok; P3,045 nga kwarta sa nagkalain-lain nga denominasyon kag iban pa nga mga paraphernalias.