Napamatbatan nga guilty sa kaso nga paglapas sa Animal Welfare Act ang apat ka mga akusado sa pagpatay sa isa ka ido sa Barangay Blasco, Pilar, Capiz.
Ginpakigbahin sang Capiz Animal Welfare Advocates Inc., (CAWAI) ang impormasyon angut sa pamatbat sang korte sa apat ka mga akusado sa pagpatay sa ido.
Ang mga akusado ang ginalakipan sang isa ka Sangguniang Kabataan (SK) Chairman, BPAT member, tag-iya sang ido, kag ang nagkuha sang video samtang ginabunal tubtob mapatay ang amo nga ido.
Matandaan nga nagluntad ang ini nga insidente sang tinalikdan nga Mayo 8, 2024 sa Barangay Blasco, Pilar, Capiz.
Samtang, ginkalipay naman sang CAWAI bangud nagmadinalag-on ang mga ini sa pinakauna nga kaso nga ginpasaka nila bilang isa ka organisasyon kag nahatagan sang hustisya ang pagpatay sa amo nga ido.
