Ginpaguwa na sa publiko sang Apat sa 24 ka mga senador ang ang ila Statement of Assets, Liabilities, and Net Worth ukon SALN.
Una na nga nagboluntaryo si Senador Risa Hontiveros nga i-release ang iya kabug-usan nga assets nga nagalab-ot sa halos P19 million.
Nagsunod si Senador Robinhood Padilla, nga may net worth nga P244 million, kag si Senate President Vicente Sotto III, nga may kabug-usan nga assets nga P188.9 million.
Ika-apat, ginpahibalo ni Senador Sherwin Gatchalian sa publiko ang iya Statement of Assets, Liabilities, and Net Worth, nga nagabalor sang P89.5 million.
Base sa dokumento, si Gatchalian wala sang ginpahayag nga mga utang Ang amo man nga dokumento nagalista man sang iya mga interes sa negosyo, sa diin nalista sia bilang isa ka shareholder sa lima ka mga kompanya. Wala ini sang gindeklarar nga tiayon ukon menor de edad nga kabataan sa iya panimalay.
Nalakip sa listahan sang mga himata sa gobyerno ang iya mga utod nga sanday Department of Social Welfare and Development Secretary Rex Gatchalian kag Valenzuela Mayor Wes Gatchalian.
Madumduman nga ginpahayag ni Gatchalian nga kun wala sang dapat itago, wala sang problema sa pagpaguwa sang Statement of Wealth.
Dugang pa sini, nga wala siya sang may ginbalibaran sa paghatag sang kopya sang iya kabug-usan nga assets.
Pahayag pa niya, wala siya sang nakita nga kabalaka sa seguridad sa pagpahibalo sa publiko sang mga pagkabutang sang mga opisyal sang gobyerno.
Ginahulat pa sang Bombo Radyo ang pagsumiter sang pila pa ka mga senador sang Statement of Assets, Liabilities, and Net Worth ukon SALN.
Duha ka residential condominium units ang nalista sa iya real properties nga may kabug-usan nga balor nga P40.1 million.
May yara man ini sang personal nga pagkabutang, lakip ang shares of stock, cash in bank, kag isa ka motorsiklo, nga may kabug-usan nga balor nga P49.3 million.
