-- ADVERTISEMENT --
ROXAS CITY – Sandig sa ginpapanaug nga Executive Order No. 08 series of 2022 nga ginpirmahan ni Governor Esteban Evan Contreras, gindeklarar nga Special Non-Working Holiday ang pinakamalapit nga Biyernes sa Abril 15.
Matandaan nga ang Abril 15 kada tuig amu ang President Manuel A. Roxas Memorial Day ukon ang Republic Act No. 9217, apang subong nga tuig, natuon ang Biyernes Santo nga isa ka regular holiday sa amu nga petsa.
Bangud diri, ginapahayag nga agud ma-komemorar ang death anniversary sang anay presidente, gindeklarar ang pinakamalapit nga Biyernes nga adlaw sa Abril 15, bilang special non-working holiday sa syudad sang Roxas kag bug-os nga probinsya sang Capiz, sandig sa section 2 sang RA No. 9217.
