-- ADVERTISEMENT --
ROXAS CITY -Boluntaryo nga ginsungka sang punong barangay sang Barangay Quinabcaban, Dao Capiz ang isa ka armas-luthang sa Dao Municipal Police Station.
Suno sa Dao Municipal Police Station boluntaryo nga ginsungka ni Punong Barangay Dionisio Enagan ang isa ka unit sang kalibre .38 nga armas-luthang nga wala sang bala.
Ginpahayag nga ginsungka man ini sang wala nagpakilala nga mga persona sa nasambit nga punong barangay.
Sa karun yara na sa kustodiya sang Dao Municipal Police Station ang nasambit nga armas-luthang kag natalana nga iturn-over sa FESAGs division sang Capiz-PPO.
