DUMARAO, CAPIZ – Natumod na ang armas-luthang nga gingamit sa pagluthang-patay sa 28 anyos nga lalaki sa Sitio Tacay, Barangay Astorga, Dumarao, Capiz.
Matapos makuha ang bala sa lawas sang napatay nga biktima nga si Jose Iturriaga, natukiban nga bala ini sang 12 gauge firearm.
Ba-se sa inisyal nga imbestigasyon sang Dumarao Municipal Police Station nga nagsugat-anay ang biktima kag suspek nga si Vincent Maxian kag nakaangkon sang mainit nga diskusyon.
Sa wala ginalauman ginbuno sang biktima ang suspek sa natuo nga abaga nga nagbalos sa diin ginkuha sini ang nakasukbit nga armas kasunod ang pagtiro kay Iturriaga.
Gindala pa sa isa ka klinika sa Barangay Astorga ang biktima, apang gindeklarar nga dead on arrival.
Ginpadangat man sa ospital ang suspek bangud sa naangkon nga pilas.
