Wala napunggan sang pamilya Mejias sa Barangay Ampayon, Butuan City, ang ila kalipay matapos nakuha ni Angela Mejias ang tatlo ka bulawan nga medalya sa Palarong Pambansa 2025, sa arnis game sa synchronized Likha Anyo Espada y Daga, Synchronized Likha Anyo Single Weapon, kag synchronized Wepon – Double Weapon categories for the elementary levels girls.
Suno sa iya amay nga si Rosiller Mejias, gintuman ni Angela ang iya promisa nga bulawan nga medalya bilang regalo sa iya kaadlawan kahapon samtang kahapon man nga adlaw ang kaadlawan ni Angela gani doble ang selebrasyon sang pamilya.
Gindugang pa ni Rosiller nga halos indi na mapilian ang iya anak sa mga paindis-indis nga ginapasakopan sang ila buluthuan nga Ampayon Central Elementary School bangud sa iya kagamay, apang bangud sa iya pagpursige sa paghanas, ang kadamuon sang beses nga wala ini nakasulod sa duha ka tuig nga paghanas ang maisip lamang sa iya mga kamot.
Tuman ang ila kalipay nga nalab-ot ni Angela ang iya handum nga makaangkon sang gold medal bangud silver lang ang iya nakuha sa 2024 National Games sa Cebu.
