Ginpanginbulahan ni US President Donald Trump ang apat ka Artemis II astronauts matapos ang ila madinalag-on nga 10 ka adlaw nga misyon sa palibot sang bulan kag safe splashdown sa kadagatan malapit sa Artemis II astronauts .
Suno sa presidente, “spectacular” ang bilog nga biyahe kag “perfect” ang paghugpa sang Orion spacecraft.
Ginpabutyag man niya ang iya bugal para sa mga astronauts, nga sanday Reid Wiseman, Victor Glover, Christina Koch, kag Jeremy Hansen, kag gin-agda sila nga magbisita sa White House sa indi madugay.
Dugang pa ni Trump nga plano nila nga liwaton ang misyon kag ang masunod nga target amo ang planeta nga Mars, upod ang padayon nga suporta sang gobyerno para sa programa nga Artemis sang National Aeronautics and Space Administration.
Nahibaluan nga ang Artemis II nagbutang sang bag-o nga rekord para sa pinakamalayo nga distansya nga nakadtu-an sang isa tawo gikan sa kalibutan, nga naglab-ot sa kapin sa 400,000 kilometers, kag naghatag sang mga laragway nga ginkuha gikan sa lunar orbit lakip ang pagtan-aw sang “Earthset.”
Ang madinalag-on nga pagbalik sang mga astronauts ginakabig nga isa ka mayor nga tikang padulong sa Artemis III, nga ginalauman nga magadala sa mga astronaut sa ibabaw sang bulan sa labing una nga tion sugod sang 1972.
