ROXAS CITY – Ginkumpirmar sang assistant regional director sang National Bureau of Investigation region 6 nga nakapadala kag nabaton nila ang sulat ni Governor Esteban Evan Contreras nga naga-request nga paimbistigahan ang double your money investment scheme nga liwat nagtuhaw sa probinsya sang Capiz.
Sa interview sang Bombo Radyo Roxas kay Atty. Jerimiah Sargado, ginpahayag sini nga gin-assign na nila ini sa ila mga imbestigador kag naga-koordinar na ini sa karun sa newly assigned nga agent in-charged sa nasambit nga nga probinsya.
Suno kay Sargado nga parehas sa gihapon nga pyramiding scam/scheme ang natabo sang nagligad nga tuig kag liwat naman nga nagtuhaw sa karun.
Dugang pa sini nga wala sila nagsabat sa sulat nga ginpadala apang nagpasalig ini sa gobernador sang Capiz nga ila ini paga-aksyunan ang nasambit nga investment scheme.
Sa pihak nga bahin, ginpahayag ni Sargado nga may yara na sang warrant of arrest nga ginpapanaog ang korte batuk kay Junelyn Gregorio, CEO sang 25 day double your money investment scheme kag ginapangita na ini sa karun sang mga awtoridad.
