Ginpamatukan sang anay tigpamaba sang presidente nga si Atty. Harry Roque ang nagalapta karon nga impormasyon nga ginbasura sang Netherlands ang iya aplikasyon para sa asylum.
Ginhatagan pagtamod nga indi matuod ang ginhambal ni Department of Justice Secretary Jesus Crispin Remulla sa pagpati nga ‘ginbalibaran’ ang iya aplikasyon.
Ginsiling sini nga ini na ang ikaduha nga tion sang nasambit nga tiglikom humalin sang ginpahayag sini nga may yara man ini sang ‘multiple passports’.
Gani ginkabig niya nga isa lang ka sahi sang ‘fake news’ ukon sala nga balita ang impormasyon nga ‘ginbalibaran’ ang iya aplikasyon.
Kon sa diin wala nagpamilit ang nasambit nga abogado nga wala na siya nagakatingala ilabi na sa idalum sang karon nga administrasyon.
Dugang pa ni Atty. Harry Roque nga bag-o lang siya nagkadto sa Germany para sa isa ka aktibidad kaupod ang pila ka mga kasimanwa nga Pilipino.
Nagbalik sia sa The Hague, Netherlands, sa diin sia nagtener samtang wala sia sa Pilipinas.
Ginpanindugan man sini nga indi na kinahanglan nga pangitaon ukon i-identify ang iya nahamtangan bangud sa iya ginbuyagyag kag ginpahibalo sa publiko.
