Arestado ang isa ka babaye matapos ang ginkasa nga drug buybust operation sa Barangay Atiplo, Mambusao, Capiz.
Ang subject person amo si alyas “Lenlen”, yara sa legal nga pang-edaron kag residente sang Barangay Poblacion Tabuc sa amo man nga banwa.
Sa interview sang Bombo Radyo kay Police Major Ruby Magallanes, Officer-in-Charge sang Mambusao Municipal Police Station, iya ginpahayag nga isa ka Street Level Individual ang amo nga persona.
Narekober sa nadakpan ang 2 ka sachets sang suspected shabu nga ginabulubanta nagabug-at sang tres gramos, P1,500 nga buybust money kag isa ka motorsiklo.
Sa subong, nakahunong na ang arestado sa karsel sang Mambusao Municipal Police Station kag natalana nga pasakaan sang kaso sa paglapas sa Republic Act 9165 ukon “Comprehensive Dangerous Drugs Act of 2002.”
