Dakop sa akto ang isa ka babaye matapos makuhaan sang mga kinawatan nga mga kagamitan kag mga kwarta sa isa ka pribado nga Hotel sa Barangay Banica, Roxas City.
Ginkilala ang biktima kay alyas “Carl”, 26-anyos kag residente sang nasambit nga Barangay.
Samtang ang ginatudlo suspek ang ginkilala kay alyas “Ria”,26-anyos kag residente sang Sitio Arcabalo, Barangay Bolo, sining syudad.
Sandig sa impormasyon nagikan sa Roxas City PNP, ginapahayag nga nakit-an sini ang suspek nga nagguha sa ila nga staff house kag gilayon nga ginpalapitan sang biktima agud komprontahon.
Nakuha sa posesyon ni alyas “Ria”, ang isa ka bag nga naga unod sang P15,000, mga Relos, ATM cards, kag lyabe.
Sa karun nakahunong na ini sa karsel sang Roxas City PNP samtang ginahikot ang pagpasaka sang nagakaigo nga panumbungon batuk sa arestado.
