JAMINDAN CAPIZ – Nagalutaw-lutaw kag wala na sang kabuhi ang babaye nga ginapahayag may deperensya sa paminsaron sa Badiangan River, Brgy. Poblacion, Jamindan, Capiz.
Ginkilala ang biktima kay alyas Emmy, 35-anyos, residente sang Barangay Pangabuan sa nasambit nga banwa.
Sa interview sang Bombo Radyo sa imbestigador sang Jamindan Municipal Police Station nga si PSSg Jerson B. Vigo, ginpahayag sini nga may nagpanawag sa ila istasyon kung sa diin may nasapwan nga bangkay sang babaye sa suba sang isa ka nagapamunit.
Gilayon man nga ginpadulungan sang mga kapulisan ang lugar agud respondihan kag ang nasambit nga biktima ang ginpadangat sa Mambusao District Hospital para kun tani sa nagakaigo nga pagbulong apang gindeklarar na ini nga wala sang kabuhi.
Mahibaluan nga pila na ka adlaw nga yara lugar ang biktima nga nagabalik-balik
Sa karun, yara na ang bangkay sini sa isa ka punerarya sa nasambit nga banwa.
