Babaye nga papuli na kuntani sa ila puluy-an, patay matapos ginluthang ang wala makilal-an nga suspek

Patay ang isa ka babaye matapos ginluthang samtang nagasakay sa habal-habal (motorcycle taxi) samtang pabalik sa ila puluy-an sa Barangay Indahag.

Suno sa report, halin ang 66-anyos nga biktima sa mall nga iya ginatrabahuan kag nagasakay sa habal-habal pabalik sa ila puluy-an.

Base sa imbestigasyon, ginpahayag sang habal-habal driver nga pag-abot sa crime scene, ginluthang ang biktima sang rider nga nagasunod sa ila.

Nag-angkon sang igo sang bala sa lawas ang biktima kag wala nakalab-ot nga buhi sa ospital.

Luwas naman ang driver sang habal-habal, samtang nakapalagyo naman ang suspek.

Sa subong padayon pa ang imbestigasyon sang mga otoridad.