ROXAS CITY-Pilas sa magkatuhay nga porsyon sang kalawasan ang naangkon sang isa ka babayi matapos nga ginaalegar naaksidente sa ginamaneho nga motorsiklo sa Barangay Anhawon, Panay, Capiz.
Ginkilala ang biktima nga si Anna lou Jalompong, 250-anyos sang Barangay Guba, Pontevedra, Capiz.
Sandig sa inisyal nga imbestigasyon sang Panay Municipal Police Station nagaguwa nga samtang ginasubay sang biktima ang dalanon sakay sa motorsiklo sang aksidente sini nga mabungguan ang steel railing sang wala pa matapos nga dalan.
Nag-angkon naman sang pilas sa ulo kag iban nga parte sang lawas ang biktima nga gilayon naman gindala sang Capiz Emergency Response Team (CERT) sa isa ka malapit nga ospital agud dapatan sang nagakaigo nga pagbulong.
Samtang, nagapadayon ang imbestigasyon sang mga kapulisan sa nasambit nga insidente.
