Bag-o nga kanta sang SB19, nagpagkit sang bag-o nga record

Nagpagkit sang panibag-o nga record ang Pinoy group nga SB19.

Sa ila nga social media account gin-anunsiyo nila ang ila bag-o nga kanta nga “Dam” ang naglab-ot na sa masubra 10-milyon views sa YouTube.

Bangud diri ang nasambit nga kanta ang ginakabig nga pinakamadasig nga music video nga nakalab-ot sang kasubong kataas nga views.

Ginpasalamatan sang grupo ang mga fans sa wala untat nga pagsuporta sa ila nga mga kanta.

Ang nasambit nga kanta ang kabahin sang ila nakatalana nga pagpaguha sang extended play nga ‘Simula at Wakas” sa pala-abuton nga Abril 25.