Nagbaskog ang Tropical Cyclone Sinlaku kag nangin isa ka severe tropical storm sa guwa sang Philippine Area of Responsibility (PAR), suno sa Philippine Atmospheric, Geophysical and Astronomical Services Administration (PAGASA) sang Biyernes sang gab-i, Abril 10, 2026.
Base sa weather forecast sang state weather bureau, ang sentro sang bagyo yara sa 2,715 kilometers nasidlangan sang northeastern Mindanao.
May yara ini sang maximum sustained winds nga 95 km/h kag pagmadlos nga tubtob 115 km/h, samtang ang direksyon sini ang halos wala nagabag-o.
Suno sa weather bureau, ginalauman nga makasulod sa PAR ang Sinlaku sa masunod nga semana kag hatagan sang local name nga “Caloy.”
Apang suno sa PAGASA, wala ginalauman nga direkta nga makaapekto ang bagyo sa kondisyon sang panahon sa pungsod bangud ginalauman nga magalihis ini kag magapadulong sa mas mataas nga latitudes samtang padayon ini nga nagapalayo sa Pilipinas.
