Nakataas na sa signal number 1 ang pila ka parte sang Cagayan bangud sa bagyong Julian.
Suno sa PAGASA, nagapabilin ang bagyo sa kabaskugon sini samtang, ini ang nagapadulong sa kadagatan sang pungsod.
Kalakip nga nakataas sa tropical cyclone wind signal 1, ang Babuyan Islands, San Pablo, Divilacan, Maconacon, Palanan, Cabagan, Santa Maria, Tumauini, Ilagan City, San Mariano sa Cagayan kag sidlangan nga bahin sang Apayao kasubong sang Luna, Pudtol, Santa Marcela kag Flora.
Makabatyag naman sang pag-ulan ang dako nga parte sang Cagayan kag pila ka bahin sang Ilocos Region.
Nasiplatan ang sentro sang bagyo sa may 400 kilometers sang East Southeast sang Basco, Batanes.
May dala ini nga baskog nga hangin nga yara sa 55 kph kag pagmadlos nga tubtob 70kph.
Nagpaandam man ang PAGASA nga delikado gihapon maglayag sa mga nasambit nga lugar.
