Nagpaandam ang state weather bureau sang PAGASA nga posible nga magtuga sang storm surge ang bagyong Ofel sa mga manubo nga lugar sa Northern Luzon.
Sa forecast sang state weather bureau, posible nga makabatyag ang mga lugar sa Batanes, Cagayan, Ilocos Norte kag Isabela sang storm surge nga may taas nga 2.1 tubtob 3 meters sa masunod nga 48 oras.
Sa Batanes, ginpaandaman nga posible makabatyag sang storm surge sa Basco, Itbayat, Ivana, Mahatao, Sabtang kag Uyugan.
Sa Cagayan naman, sa Abulug, Aparri, Baggao, Ballesteros, Buguey, Calayan, Claveria, Gattaran, Gonzaga, Lal-lo, Pamplona, Peñablanca, Sanchez-Mira, Santa Ana, Santa Praxedez kag Santa Teresita.
Sa Isabela naman. sa Dinapigue, Divilacan, Maconacon kag Palanan.
Suno sa bureau, posible nga magtuga sang makanay tubtob sa significant damage ang nasambit nga storm surge.
Ginpaandaman man sang ahensiya nga posible makabatyag sang daluyong nga may taas nga 1 tubtob 2 metro sa masunod nga 2 adlaw nga posible magresulta sang minimal tubtob sa makanay nga kahalitan sa mga komunidad sa Aurora, Ilocos Norte kag Ilocos Sur.
Gin-abisuhan naman ang publiko nga suspendihon sang temporaryo ang tanan nga biyahe sa dagat agud malikawan ang anuman nga untoward incident bangud sa banta sang storm surge.
