Balay ang negosyante ginsulod kag ginransak sang kawatan sa Capiz, P30,000 nataban

ROXAS CITY – Padayon nga gina imbestigahan sang Pontevedra PNP ang pagsulod kag pagransak sang wala makilala nga suspek sa balay sang isa ka negosyante sa Poblacion Ilaya, Pontevedra, Capiz.

Ba-se sa inisyal nga imbestigasyon sang kapulisan nga ginkawatan ang balay ni Divina Dejapa 50-anyos sa Poblacion Ilaya, Pontevedra, sa diin nakasulod ang kawatan pinaagi sa pagwasak sa bintana sa kusina.

Kasunod sini ginransak kag ginpang-ukay ang cabinet kag gintaban ang sling bag nga nagaunod sang P30,000.