Balay sang Senior Citizen, gintupok sang kalayo sa banwa sang Dumalag

ROXAS CITY – Madasig nga ginlamon sang kalayo ang balay sang isa ka senior citizen, sa Barangay San Agustin, banwa sang Dumalag.

Ginkilala ang tag-iya sang balay kay Albert Frias, 60-anyos kag residente sang nasambit nga barangay.

Suno sa inisyal nga imbestigasyon sang katapo sang Dumalag Fire Station, nagsugod ang kalayo alas-10:30 kagab-i sang Domingo kag wala sang may nasalbar nga kagamitan ang tigulang apang masuwerte nga wala sang may naulamid nga tawo sa amu nga sunog.

Ginabulubanta nagdangat sa P20,000 ang inisyal nga kahalitan sang sunog.

Nagapadayon sa karon ang imbestigasyon sang mga bumbero sa gintunaan sang kalayo.