ROXAS CITY – Gintupok sang kalayo ang balay sang mag-asawa matapos ini ginsunog sang ila umagad sa Barangay Lanot Roxas City.
Ginkilala ang mga biktima nga sanday Erna Baselonia kag Bonifacio Baselonia, residente sang nasambit nga lugar.
Sa interview sang Bombo Radyo kay Tatay Bonifacio, ginpahayag sini nga bag-o paman nagluntad ang sunog nagpadulong ini sa iya uyapad kag pagkatapos ginkuha sini ang binhi nga yara sa ila balay apang ginpadulongan ini siya sang iya umagad nga si Alyas Indo kag ginhambalan nga puguhon sini ang ginbulag bangud kung indi matumba ini.
Apang wala ini ginsapak ni Baselonia kag naglikaw nalang ini, apang sa iya pagbalik nakita nalang ang iya umagad nga nagapabalik nagikan sa ila puluy-an nga nagakalayo na.
Suno pa nga, nahimo ini sang suspetsado tungod sa selos bangud nagapati ini nga may iban nga lalaki ang iya asawa.
Pag-athag pa ni Baselonia nga wala ini sang natandaan nga wala nila pagkaintindihan sang umagad rason nga nakibot nalang ini nga ginsunog na ang ila balay.
Samtang, sa separado nga pagpakig-angut sang Bombo Radyo kay Fire Senior Inspector (FSINSP) Michael Lopez, Acting Fire Marshal ginsiling sini nga gina-andam na nila ang kaso batok sa suspetsado.
Sa karon, nagapadayon ang imbestigasyon sang katapo sang bombero sa nasambit nga insidente.#
