ROXAS CITY – Nangin mabakal na ang baligya-anay sang paulupok kadungan sang holiday season sa bahin sang Pueblo de Panay, Barangay Lawaan, Roxas City.
Sa interview sang Bombo Radyo kay Cyril Garcia, Vice President sang Roxas City Firecrackers Association, iya ginpahayag nga nakapwesto na ang mga manugbaligya sa ila kada stall kutob sa mga na-release na ang Mayor’s permit.
Suno kay Garcia, ginasiguro gid nila nga maayo ang kalidad kag kahimtangan sang mga palupok kag may yara sang fire extinguisher sa kada stall agud makabulig sa pagpalong sang kalayo sa tion nga may magluntad nga sunog.
Pahayag pa niya, manubo pa ang presyo sang mga palupok apang samtang nagahilapit ang bag-ong tuig kag nagapaubos ang stock, lauman man ang pagtaas sang presyo sang palupok.
Nagpahanumdom man ang natungdan nga kun mahimo, mag temprano sang pagbakal sang palupok agud nga malikawan ang pagdugok sang tawo.
