DUMALAG, CAPIZ – Nakita na ang bangkay sang 64-anyos nga mangunguma nga nalumos sa isa ka suba sa Barangay Sto. Niño, Dumalag, Capiz kahapon.
Gintugyan na sa iya nga pamilya sang mga katapu sang Dumalag Municipal Disaster Risk Reduction and Management Office (MDRRMO) ang bangkay ni Rogelio Rios sang nasambit nga lugar.
Matandaan nga nag-agi ang biktima sa suba nga wala na sang tubig para magpangsigpot sang nabilin nga maiS.
Apang sa pagtabuk sa suba pabalik sa ila balay nagbubo ang mamunog nga ulan kag nagtaas ang tubig rason nga ini ang nalumos.
Nagpatigayon sang search and rescue operation ang MDRRMO-Dumalag, apang temporaryo nga gin-untat kahapon bangud sa malain nga panahon dala sang bagyo Lannie. Kaina lamang sang aga nakita ang bangkay sang biktima kalakip ang sako sang ginpangsigpot nga mais
