Nagnubo subong nga bulan sang Abril 2026 ang pagsuluktan sa bill sang kuryente nga nagalab-ot sa 10 sentimos sang Capiz Electric Cooperative Incorporated (CAPELCO).
Sa interview sang Bombo Radyo kay Engineer Edgar Diaz, General Manager sang Capiz Electric Cooperative Incorporated, iya ginpahayag nga bangud mayorya sa energy source sang power supply sang CAPELCO amo ang coal kag geothermal power plant sa diin nga nagresulta sa pagnubo sang pagsuluktan apisar nga nagmahal ang presyo sang produktong petrolyo.
Suno kay Diaz, ang amo nga mga powerplant wala nagagamit sang gatong ka gang coal wala man nagahalin sa iban nga pungsod rason nga wala naapektuhan ang production cost sang amo nga power service.
Pahayag niya, apisar nga barato ang pagsuluktan subong, kianhanglan sa gihapon nga magkinot sang kunsumidor agud nga indi malad-an pag-abot sa electric bill ilabi na kag summer season subong.
Dugang pa sang natungdan, pananglitan nga magbag-o naman ang pagsuluktan, may pila na naman ka rason nga nagbag-o sa supplier sang enerhiya.
Interviewed by Bombo Saira Joy Alu-ad Bautista | via Zona Libre
