Gin-aresto sang mga otoridad sa Osaka, Japan ang 23-anyos nga babaye nga cosplayer matapos ginapahayag gin-utod sini ang left ring finger sang iya nobyo gamit ang hatchet kag gunting.
Ang suspek amo si si Saki Sato, 23, taga-Osaka.
Suno sa 21-anyos nga lalaki nga biktima, gin-utod ni Sato ang iya nga ring finger bangud sa tuman nga selos.
Natukiban sang mga imbestigador ang utod nga tudlo sa sulod sang isa ka bote nga nakabutang sa refrigerator sang ila nga balay.
Nagsugod ang relasyon sang biktima kag suspek matapos magkilalahay sa social media duha ka tuig na ang nakaligad. Nag-umpisa sila nga mag-live-in sadtong Hulyo 2024 sa isa ka apartment.
Sa amo nga tion, apat ka beses na nga magdangop sa pulis ang magkahagugma angut sa ila komplikado nga relasyon.
Magluwas sa pagpanakit, natkit-an man sang mga otoridad sa sulod sang isa ka safe ang cell phone kag bankbook sang lalaki, nga ginapahayag uyat ni Sato sa bug-os nga panahon sang ila nga pag-updanay.
Nahibaluuan nga ma nauna na nga insidente nga natabo kun sa diin gin-report man sang biktima nga ginpilit siya sang suspek nga i-slice sini ang bahin sang iya nga ayutong (nipple), matapos siya ginhambalan nga matubo man ini liwat.
Ginpanginwala ni Sato ang mga alegasyon, kag ginsiling nga ang biktima mismo ang nag-utod sang kaugalingon sini nga tudlo.
Sa pihak sang pagpanginwala, ginpasakaan ini sang three counts of assault, kag pormal nga ginkasuhan sadtong Abril 21.
Gin-utod suno diri sang suspect ang ring finger sang 21-anyos nga nobyo agud indi makapakasal sa iban.
