BOMBO ROXAS – Nag-angkon sang pagpalanakit sa kalawasan ang isa ka 27 anyos nga babayi, matapos ginaalegar tuyo nga tampaon kag ginsipa sang isa ka lalaki sa Barangay Jumajuicjic, Roxas City.
Suno sa tagreklamo nga si Mary Rose Rosatase kag residente sang nasambit nga lugar nga samtang yara ini sa isa ka baligyaan sang isda sa nasambi nga lugar sang ginsukot ini sang nabilin nga utang nga P7,250 kay Elmer Jovero kag residente man sang nasambit nga lugar.
Suno sa tagreklamo nga nabayaran na sini sang katunga sang utang nga P15,000 kay Jovero kag ginpangako nalang nga pagabayaran ang nabilin nga balansa sa tion nga makabaligya ini sang isda.
Ginpahayag sang tagreklamo nga gintuyo ini nga tampaon kag ginsipa sang ginareklamo sini bangud man kapaslawan sini nga magbayad.
Samtang, madasig naman nga nagpabalhag sang reklamo sa mga kapulisan ang babayi apang gintugyan na lamang ini sang otoridad sa Barangay Justice sang nasambit nga barangay para sa dugang nga disposiyon.
