DUMARAO, CAPIZ – Nagpakigbahin sang mga precautionary measures ang banwa sang Dumarao bilang pagpanghanda sa palaabuton nga Bagyo Tino.
Sa interview sang Bombo Radyo kay Mayor Matt Hachuela, iya ginpahayag nga nakahanda na ang tanan nga talatapan sa tion nga mag-igo ang Bagyo Tino sa probinsya sang Capiz partikular sa banwa sang Dumarao.
Suno kay Mayor Hachuela, naka-alerto na ang Dumarao Municipal Risk Reduction and Management Office (MDRRMO) subong man ang mga heavy equipment nga mag-responde sa mga ma-evacuate kag ma-trap sa ila mga panimalay.
Pahayag pa niya, nakig-angot naman ang iya talatapan sa mga kabarangayan nga mangin handa kag i-preparar ang mga evacuation center ilabi na sa mga lowland areas.
Nakahanda naman ang mga foodpacks nga igapanghatag sa mga maga-evacuate sa tanan nga kabarangayan sang banwa sang Dumarao.
Nagpanawagan man ang natungdan nga mangin aligmat kag makipagkooperar agud nga masiguro ang seguridad sang tanan kadungan sang sini nga plaabutonnga kalamidad.
Interviewed by: Bombo Sunnie Mae Batencila and Bombo Francis Biñas via Good Morning Philippines
