Nadakpan na sang kapulisan sang Roxas Component City Police Station ang babaye nga nagsulod kag nangawat sa balay sang isa ka doctor sa Barangay 1, syudad sang Roxas.
Sa interview sang Bombo Radyo kay Punong Barangay Odelon C. Molina, iya ginpahayag nga ini ang labing una nga insidente sang pagpangawat nga natabo sa barangay subong nga tuig.
Suno kay Molina, dako nga bulig ang CCTV footage halin sa Barangay 2 bangud madasig nga nakilala ang suspek.
Sa closed circuit television (CCTV) footage, nakit-an nga nagalakat ang babaye nga naka long sleeves nga puti, nagtamwa sa balay sang doctor kag nagsulod.
Liwat ini nga nagguwa sa balay kag naglakat-lakat agud makapangita sang tricyle.
Gintawag sini ang isa ka tricycle driver kag ginpapondo sa guwa sang balay sang doctor.
Liwat siya nga nagsulod sa balay, kag sa iya pagguwa, bitbit na niya ang 55 inches nga TV kag ginpasakay sa tricycle.
Wala man sang ihibalo ang tricycle driver nga kawatan gali ang iya nga ginsakay nga pasahero.
Apang sa bulig sang city number sang tricycle, nakapakig-angot ang mga barangay officials sang Barangay 1 kag Traffic Management Unit sa driver rason nga na-locate ang suspek
