Ginpaguwa na sang beterano nga basketball coach nga si Norman Black ang mga pangalan sang mga players sang Gilas Pilipinas nga magapaindis-indis sa 2025 Southeast Asian Games.
Si Black ang mangin coach sang Gilas para sa SEA Games nga hiwaton sa Thailand.
Lakip ang team sang naturalized players nga sanday Justin Brownlee, Angie Kouame, Ray Parks, Matthew Wright, Dave Ildefonso, Remy Martin, Jason Brickman kag Veejay Pre.
Suno sa coah, may apat pa ka nabilin nga mga slot para sa mga luyag nga mag-upod sa Gilas Pilipinas.
Nagalaum si Black nga mahatagan sang konsiderasyon sang University Athletic Association of the Philippines (UAAP) ang Gilas nga makahatag sang players nga mangin kaupod sa team.
Magluwas sa UAAP, nagpangayo man ini sang bulig sa Philippine Basketball Association (PBA) kag Maharlika Pilipinas Basketball League (MPBL).
Nahibaluan nga ang 2025 SEA Games ang hiwaton sa Disyembre 9 tubtob Disyembre 20.
