Ginkondena sang China ang isa ka pahayag nga ginpaguha sang Estados Unidos kag Japan nga naga-unod sang kritisismo batuk sa mga “provocative activities” sang Beijing sa gina-awayan nga kadagatan, ukon West Philippine Sea (WPS).
Kung sa diin gintawag sang China nga pag-atake kag pagpalapta sang sala nga impormasyon.
Ang nasambit nga pahayag sang China, ginpaguha matapos ang paghinala nanday US President Donald Trump kag Japanese Prime Minister Shigeru Ishiba sa Washington kung sa diin naghatag sang pagpamalabag sa “unlawful maritime claims, militarization sang reclaimed features, kag threatening and provocative activities sa WPS”.
Bilang sabat, ginsiling ni Chinese Foreign Ministry spokesman Guo Jiakun nga ang mga pahayag sang US kag Japan isa ka pagpangsilabot sa mga internal affairs sang China, kag ginhatagan sang pagtamod nga ang nasambit nga mga pahayag tinutuyo nga palalaon ang tensyon sa rehiyon.
Dugang pa sini nga nagpatigayon ang China sang “solemn representations” sa parehas nga mga pungsod.
Matandaan nga madugay na nga gina-angkon sang China ang halos isa ka kabug-usan nga soberanya sang WPS, isa ka territorial claims kung sa diin rason sang kinagamo sa claims sang teritoryo sang pila ka pungsod sa Nabagatnan-Nasidlangan sang Asya kaangay sang Malaysia, Vietnam, Indonesia, Brunei, kag Pilipinas.
Sa pihak sang international ruling sadtong 2016 nga nagasiling wala sang legal nga basehan ang mga claim sang China.
Matandaan nga sang damlag lang mas ginpasangkad sang Beijing ang ila mga tikang sa rehiyon, kabangdanan nga nagdamo ang
international scrutiny kag ang panawagan para sa de-escalation sa rehiyon.
