Nakaproseso sang masobra 167,000 ang Bureau of Immigration para sa Undas, sumugod katapusan sang Oktubre tubtob Biyernes, Nobyembre 1.
Nagtaas sang 12% ang mga international travels ikumparar sang nakaligad nga tuig, kun sa diin nagdangat naman sa 149,257 ang mga pasahero.
Subong nga tuig, nakabalhag sang 41,087 nga mga arrivals kag 43,341 ka mga pasahero sa departures sa bilog nga pungsod ang naserbisyuhan sang mga paluparan sang Oktubre 31.
Sa Ninoy Aquino International Airport terminal 1, nakabalhag sang 14,010 nga arrivals kag 15,666 nga departures samtang sa Terminal 3 naman, may kabug-usan nga 19,223 nga mga arrivals kag 20,495 naman nga pasahero sa departures.
Nagnubo naman ang numero sang mga pasahero pagsugod sang Nobyembre 1 kun sa diin umpisa na sang mga pagbisita sang mga tawo sa mga sementeryo.
Nagdangat naman sa 42,858 ang mga arrivals samtang 40,261 nga departures ang nabalhag para sa international flights.
Para sa domestic flights, sa NAIA Terminal 1 naman nakabalhag sang 14,931 nga mga arrivals kag 13,381 nga mga departures, samtang sa Terminal 3 naman nagdangat sa 19,136 ang numero sang mga arrivals samtang 19,431 naman ang sa departures.
