Aprubado na sang Bicameral Conference Committee ang P63.9-billion budget para sa Assistance to Individuals in Crisis Situation (AICS) program sa 2026, may yara ini sang P37-billion nga pagtaas nagikan sa original proposal nga P26.9 billion sa idalom sang National Expenditure Program.
Ini matapos gin-adopt sang Bicam panel ang House version sang ginaduso ga P6.7 trillion budget sa diin napain ang P63 billion para sa AICS.
Sa P63 billion, ang House ang nagpain ang P32.6 billion halin sa realigned budget para sa flood control projects sang Department of Public Works and Highways.
Ginpahayag ni Senate finance panel chairman Sherwin Gatchalian nga justified ang version sang House sa diin sang nagligad nga duha ka tuig, naggamit ang tanan AICS allocation sa idalom sang programmed funds rason nga kinahanglan ang gobyerno nga maggamit sang unprogrammed funds agud masiguro nga available ang bulig sang gobyerno para sa mga nagakinahanglan.
Ang unprogrammed appropriations amo ang budget items nga ginpondohan kun may yara sang sobra nga revenue ang gobyerno kag iban nga ginakuhaan sang pondo kaangay sang loans ukon special laws, buot silingon, wala ginagarantiya ang pondo indi kaangay sa mga items sa idalom sang programmed appropriations.
