Ginkumpirmar ni PCOL. Albert Tapulao, Provincial Director sang Capiz PPO sa ginpatigayon nga press briefing sa Camp Teodorico A. Apil nga iga-reshuffle ang pito tanan ka mga hepe sa police station sa probinsya sang Capiz.
Suno kay Tapulao, ginahimo ang re-assignment sang isa ka hepe kun nakalab-ot na ini sa duha ka tuig nga pagpamuno sa assigned station sini.
Dugang pa sini nga magluwas sa mga hepe, may 16 man tanan ka mga pulis personnel ang igasaylo sa iban nga police station bangud sa nagahilapit nga 2025 midterm election.
Mahibaluan nga sandig sa pagsulundan sang Commission on Elections, ginamandu sang ahensya nga isaylo ang mga pulis nga may pamilya ukon himata nga nagapapili sa eleksyon sa lugar kun sa diin nadesignar ini.
Ang mga masunod ang listahan sang mga hepe nga iga-reshuffle kag lugar sang re-assignment sang mga inui:
PMAJ. John Almarino Bonior- from Tapaz MPS to Jamindan MPS.
PCPT. Joebert Delos Reyes- from Jamindan MPS to Tapaz MPS.
PMAJ. Alfred De leon- from Pilar MPS to Pres. Roxas MPS.
PMAJ. Rachelle Garnica- from Pres. Roxas MPS to Pilar MPS.
PCPT. Christine Cerbo- assigned to Sapian MPS
PCPT. Merry Chris Dela Cruz- from Sapian MPS to Capiz PPO
PCPT. Jaypee Silvestre- assigned to Dumalag MPS
PLTCOL. Fransisco Paguia- from Roxas City Police Station to 2nd Capiz Police Mobile Force Company (CPMFC)
PLTCOL. Lumyain Lidawan- from 2nd Capiz Police Mobile Force Company (CPMFC) to Roxas City Police Station.
