Nag-file subong nga adlaw sang mga reklamo nga ‘tax evasion’ ang Bureau of Internal Revenue batok sa mga korporasyon nga involved sa ilegal nga aktibidad.
Kun sa diin personal pa nga nagpadulong sa talatapan sang Department of Justice si BIR Commissioner Romeo D. Lumagui Jr. agud pormal nga i-file ang mga reklamo.
Gin-file sa Department of Justice ang bente-tres (23) ka ‘tax evasion complaints’ batok sa 23 Corporations, 56 corporate officers kag 17 accountants.
Suno kay Commissioner Lumagui Jr, nagtuga ini sang madiskubre ang mga ini nga naggamit ukon nagbakal sang mga ‘ghost receipts’ agud mapalagyuhan ang obligasyon nga magbayad sang nagakaigo nga buwis.
Involved suno sa iya diri ang mga korporasyon kag indibidwal nagikan sa nagkalain-lain nga mga industriya kasubong sang sa negosyo nga construction, manufacturing, food, electronics, entertainment, marketing retail kag iban pa.
Rason nga bangud sini, ginpakigbahin niya nga naglab-ot sa P1.41-bilyon ang nadula ukon tax deficiency sa Bureau of Internal Revenue sa koleksyon sini sang buwis bangud sa mga nabisto nga ilegal nga transaksyon.
“Ang total na Tax deficiencies na kasama rito na assesment is around 1.41 billion Pesos. Again this is pursuant to our program na run after fake transactions dahil malaki ang nawawalang revenue sa ating gobyerno sa mga nandaraya ng buwis sa pamamagitan ng paggamit ng mga ghost receipts,” pahayag ni Commisioner Romeo Lumagui Jr. sang Bureau of Internal Revenue.
Bangud sini, ginpahayag ni Commissioner Romeo Lumagui Jr. nga ang pag-file sang kasubong sini nga mga reklamo ang nagapakita sang ila seryoso nga aksyon para matapna ang mga tax evaders sa pungsod.
Pahayag pa sini, indi lamang ang mga nagabaligya sang ghost receipts ang ila nga lagson kundi mangin ang mga nagabakal sini kag siguruhon nga mapasabat ini sa layi.
Klaro man suno sa iya nga ang mga ginpasakaan sang reklamo ang naulamid sa ‘tax evasion’ bangud nga katuyuan sini ni nga mapadako ang ‘tax input’ para mapanubo ang obligasyo nga bayaran nga buwis.
Samtang, ginpasalamatan naman sini ang Department of Justice sa pagsuporta sini sa ahensya agud dalayon nga mapasabat kag mapasakaan sang kaso ang mga naulamid sa ilegal nga aktibidad ukon transaksyon.
“Malinaw ang tax evasion laban dito at marami ng kasong naisampa, patuloy ang gagawin at nagpapasalamat tayo sa Department of Justice dahil sa kanilang suporto sa aming laban dito sa mga ghost recipts,” dugang pa Comm. Romeo Lumagui Jr. ng BIR.
Magapaidalom ang mga reklamo sa ‘evaluation’ sang DOJ agud makumpirma ang mga ini antis nga magserbe bilang kaso batok sa mga korporasyon nga involved.
