Matapos makagasto sang $70,000 (kapin sa P4.2 million) sa ila kasal, ginpilit sang bride kag groom ang tagsa ka bisita nga magbayad sang $333 ukon kapin sa P20,000 agud makatambong.
Trending sa social media sanday Nova kag Reemo Styles matapos nga nagbaligya sila sang tickets sa ila kaugalingon nga mga himata kag abyan para sa amo nga seremonya.
Suno sa ila, kon ang iban makasarang sa pagbayad para sa isa ka concert ni Beyoncé para sa eksperyensya, ang mga bisita dapat man handa sa paggasto para sa isa ka pinasahi nga kasal.
Apisar nga nakabaton sang kritisismo, gin-athag sang mag-asawa nga indi para sa ila ang nakolekta nga kwarta bangud ang bug-os nga kantidad ang ila igahatag sa isa ka charity nga nagbulig sa mga mag-asawa nga may problema sa infertility.
Suno kay Reemo, ang katuyuan amo man nga makita kon sin-o ang matuod nga nagahatag sang balor sa ila relasyon, kag luyag lamang nila nga makaupod ang mga tawo nga handa sa paghimo sang panikasog nga masaksihan ang ila pag-updanay.
