ROXAS CITY – Ospital ang ginsudlan sang 36-anyos nga GRO matapos bun-on sang 21-anyos nga kustomer nga nabitin sa ila nga pagpakighilawas.
Gin-ako sa Bombo Radyo Roxas ni alyas Boy Bolitas nga madamo na ini sang babaye nga natilawan kag napahalipay sa bolitas sa nga nga kinatawo.
Apang bangud wala pa sini natestingan ang makighilawas sa babaye nga may kadakuon ang lawas, rason nga ginkuha sini ang serbisyo sang nasambit nga GRO.
Nagkasugot sila sa kantidad nga P300 para sa serbisyo nga ihatag sini kay Boy Bolitas kag P50 sa rentahan nga kuwarto sa lodging house.
Matapos makasulod sa kuwarto gilayon nga nag-uba sang pang-idalum nga panapot ang GRO kag bangud nakainum si alyas Boy Bolitas nag-init ang iya nga lawas kag gilayon sini nga ginpalapitan si alyas Joy Joy.
Apang posible nga natak-an na sa paghulat ang GRO bangud nagdugay sang 15 minuto wala pa nakapautwas si Boy Bolitas, rason nga nagtindog ini nga ginkakibot sang suspek.
Bangud sa kaakig kag nabitin sa ginhimo sang GRO ginkuha ni Boy Bolitas ang 7 ka pulgada nga kutsilyo kasunod ang pagbuno kay alyas Joy Joy.
