Isa ka drill lamang ang natabo nga bomb threat kaina sa Korte Suprema.
Ini ang ginpahayag ni Supreme Court (SC) Spokesperson Atty. Camille Ting, matapos paguhaon ang mga empleyado sang SC kaina takna alas-dos kwarenta’y singko sang hapon.
Suno kay Atty. Ting, nga aprubado sang Supreme Court en banc ang fire and bomb threat evacuation drill kag dululungan ng ginpatigayon sa Court of Appeals.
Ginpaguha ang mga ini kag ginpakadto sa Paco Park, samtang ginsarado ang kahabaan sang Padre Faura.
Kadungan sini, nagpadulong sa lugar ang mga bomb squad, Philippine Coast Guard kag mga SWAT.
Apang, ginpabalik man ang mga empleyado sa SC takna alas-tres kinse sang hapon kag ginbuksan ang dalan para sa mga motorista.
Dugang pa ni Atty. Ting nga ginhungod nga wala gin-abisuhan ang mga pulisya kag Coast Guard nga drill lamang ini.
Sa hanay naman sang Manila Police District, apisar nga drill lamang ginseryoso nila ang tanan nga mga natabo.
