Bomba, naglupok sa atubang sang puluy-an sang kilala nga investigative reporter sa Italy

Gina-imbestigaran sang mga otoridad sa Italya ang paglupok sang bomba sa guwa sang puluy-an sang kilala nga investigative journalist nga si Sigfrido Ranucci.

Base sa inisyal nga imbestigasyon, isa ka sahi sang eksplosibo ang ginbutang sa atubang sang gate sang balay ni Ramuccis sa Campo Ascolano.

Natabu ang paglupok makaligad ang 20 minutos nga nagpauli ini.

Wasak ang duha ka salakyan nga ginapanag-iyahan niya kag sang iya anak.

Ginkondenar naman ni Italyan Prime Minister Giorgia Meloni ang insidente kag nagmandu sang maid-id nga imbestigasyon.

Nahibaluan nga si Ranucci yara sa idalom sang proteksyon sang pulis sa sulod sang pila ka tuig bangud sang mga pamahog nga iya nabaton sa iya kabuhi.