ROXAS CITY – Bilang kabahin sang paghatag sang serbisyo publiko sang Bombo Radyo Roxas nag-upod ini sa tuigan nga Brigada Eskwela nga proyekto sang Department of Education (DepEd).
Nagbulig ang mga miyembro sang Bombo Radyo Roxas kaupod ang mga Bombo Volunteers sa pagpaninlu sa pila ka mga eskwelahan sa syudad sang Roxas bilang preparasyon sa nagahilapit nga pagbukas sang klase sa June 4, 2018.
Ang paghatag serbisyo sang Bombo Radyo Roxas kinaandan na nga ginahimo sa kasubong sini nga aktibidad sang DepEd para makabulig sa ahensiya.
Samtang nangin matawhay sa kabug-usan ang kick off ceremony sang Brigada Eskwela 2018 sa Roxas City sa diin ginpasalamatan sang Roxas City DepEd Schools Division Superintendent nga si Roel Bermejo ang tanan nga naghatag sang donasyon kag nagbulig sa pagpaninlo sa mga eskwelahan para mangin preparado na ini sa pagbukas sang klase sa Hunyo.
