ROXAS CITY, CAPIZ- Preparado na para sa School Year 2025-2026 ang President Manuel Roxas Memorial Integrated School-South, Roxas City.
Sa interview sang Bombo Radyo kay Mr. Wilbert Tabuena, Teacher III kag Coordinator sang Special for Journalism sang nasambit nga eskwelahan, ginpahayag nga kadungan sang pagsugod sang Brigada Eskwela subong nga adlaw sang Hunyo 9, 2025, preparado na suno sa iya ang ila nga eskwelahan sa pagbaton liwat sang mga estudyante nga natalana na nga magbalik sa Hunyo 16.
Samtang, takna las 10:00 sa aga kaina, pormal nga nagsugod ang Brigada Eskwela nga may tema nga “Sama-sama para sa Bayang Bumabasa.”
Dugang pa sini, kadungan sang Brigada Eskwela, ukon ang pagpaninlo sang palibot sang eskwelahan, ginpatigayon man ang enrollment para sa mga estudyante nga maga-eskwela sa subong nga school year 2025-2026 kun sa diin suno sa iya nga madamo ang nagpa-enroll kag ginalauman nila nga madugangan pa.
Samtang, ang opisyal nga kick-off sang Brigada Eskwela 2025 sa President Manuel Roxas Memorial Integrated School-South ang ginpangunahan sang ila sini nga school Principal kag natalana naman ini nga magatakop sa Hunyo 13, 2025.
With a report from Bombo Jessa Mae De Los Santos
