Ginkumpirma ni Ms. Cashmere Gemarino, area manager sang National Food Authority (NFA) Roxas nga sa 17mil ka sako nga bugas nga pagabaklon sang Roxas City government, 10mil ka sako pa lamang sang bugas ang ila nabayaran para sa nagapadayon nga food security program sang syudad nga ‘’Bugas para sa mga taga Roxas’’.
Ginpahayag ni Gemarino nga wala nagakuha sang daku nga numero sang sako sang bugas ang Roxas City government bangud wala sila sang bodega ukon stock room nga taguan.
Suno pa sa opisyal kun magkuha sang bugas sa bodega sang NFA-Roxas ang gobyerno sang syudad, pagkamasunod nga adlaw ila ini gina-distribute sa mga resipyente sang programa. Samtang ginpasiguro ni Gemarino sa mga pumuluyo nga bag-o kag wala sang baho ang bugas nga gina-release sang NFA-Roxas bangud newly milled rice ini.
