CAPIZ – Nangin matawhay ang kabug-usan nga pagbyahe sang mga pasahero sa pantalan kadungan sang holiday season.
Sa interview sang Bombo Radyo kay Senior Chief Petty Officer Arnel Nisola, Chief at Arms sang Philippine Coast Guard-Capiz, iya ginpahayag nga yara sa 5,300 ka mga pasahero ang nagabyahe paguwa pakadtu sa nagkalain-lain nga lugar kag yara sa 4,600 ang mga pasahero nga nagapadulong sa probinsya sang Capiz.
Suno kay Senior Chief Petty Officer Nisola, nagpangdeploy man ang ila talatapan sa nagkalain-lain nga mga banwa agud magbantay sa palibot nga nagasunod sang standard operating procedures.
Pahayag pa niya, wala man sang may nabalhag nga kaso sang maritime-related incidents amo man sa kaso sang pagkalumos.
Sa subong, ginalauman sa gihapon ang mataas nga numero sang mga pasahero nga magabalik kag magapauli sa ila sini tagsa sini ka mga lugar kadungan sang paghingapos man sang long holidays.
Nagpasalamat man ang natungdan sa mga pasahero sa ila sini kooperasyon agud mapabilin man ang hilway kag matawhay nga pagbyahe sa kadagatan.
