ROXAS CITY- Nagbalik na sa normal ang byahe sang mga Roro kag mga sakayang pandangat sadtong lunes nga adlaw matapos suspendihon bangud sa bagyong Aghon.
Sa interview sang Bombo Radyo kay Arnel Nisola, Chief Senior Petty Officer- PCG Capiz, ginpahayag sini nga sadtong nakaligad nga sabado kag domingo may ginpatuman ini nga sea travel advisory kun sa diin ginbawal ang pagbyahe bangud sa bagyo kag apektado man sini ang pila ka mga lugar sa Pilipinas kalakip na ang Batangas kag Calabarzon kun sa diin nagadungka ang amo nga barko.
Ginpahayag sini nga yara sa kapin 120 ka mga pasahero ang nastranded matapos nga ginsuspendi ang pagbyahe.
Sadtong lunes nga adlaw, gilayon naman nga ginbalik ang pagbyahe sang mga pampasahero nga sakayang pandagat ukon RORO kag balik operation na ang amo nga port sa pagbaton sang mga pasahero.
