Ginakabig nga “world’s most extreme café” ang Gushi Cliff Coffee sa southeastern China bangod sang iya lokasyon sa kilid sang pil-as, nga may kataason nga 60 metros above sea level.
Katumbas ini sang 20 ka panalgan sang isa ka building.
Suno sa report, indi basta-basta makadtuan ang nasambit nga coffee shop bangud ang mga turista kinahanglan pa nga maglakat anay sang 30 minutos sa isa ka via ferrata trail kag mag-rappel panaog upod sa isa ka instructor antes makalab-ot sa platform nga nagaserbe nga mga pulungkuan.
Ang isa ka tasa sang kape ang nagabili sang 398 yuan ukon ginabanta P3,200.
Apisar mahal ini, ginklaro sang tag-iya nga ang bayad nagalakip na sang insurance, safety equipment, serbisyo sang guide, kag wala sang limit nga pagtinir sa cafe.
Nagbukas ang nasambit nga cafe sang 2004, apang sining damlag lang nangin viral sa social media bangod sang makahalawhaw nga mga video sang mga turista sang makahaladlok apang exciting nga eksperyensya.
