-- ADVERTISEMENT --
Ginkalipay ni Capiz 1st District Representative Howard Guintu ang opening salvo sang Capiztahan 2026.
Sa interview sang Bombo Radyo kay Representative Guintu, iya ginpahayag nga manami ang amo nga kahiwatan ilabi na kag ginpatigayon ini sa bag-o na nga Capiz Provincial Capitol.
Suno sa iya, ginakalangkagan na niya ang iban pa nga mga aktibidad nga mahimo patigayunon sa nasambit nga lugar.
Pahayag niya, apisar sang krisis nga ginapangatubang sang pungsod, ginhimo gid nila sa gobyerno probinsyal nga mahatagan sang kasadyahan ang mga pumuluyo kag dumuluong sang probinsya pamaagi sa amo nga selebrasyon.
Nagapanamyaw naman ang natungdan sa publiko sang mainit kag masinadyahon nga pagselebrar sang Capiztahan 2026.
-- ADVERTISEMENT --
Interviewed by Bombo Vinz Deocampo
